“Luque, te queremos limpia” ojehero umi tavaygua oñemyapesãva táva Luque-pe ojerure haguã toñemondoro pe contrato ojehai va'ekue ohasa haguã tembiapo cobro de impuesto rehegua peteî empresa privada pópe.
Pe kuatia ohai kuri intendente kolo'o Carlos Echeverría ha empresario Diego Cardona. Umi tapicha opu'ãva oñondivepa omoguahêta Junta Municipal-pe ijerure, omyakã Rubén González Chaves, senador kolo'o Oscar González Daher ra'y. Oñemongu'e guive ko tercerización, aipo “concesión del servicio de modernización de la gestión tributaria y catastral de la Municipalidad de Luque” oñembohérava, oñehendu henonde oimeha, “gestor” ramo, senador González Daher (cartista ohekáva rekutu), ha pe ojejapova'ekue rehe ndaje hembypa sospecha tuicha negociado-ha, okarútava tapicha luqueño rehe.