Oñemomba'eguasu tembiapo biográfico ojapóva Aída Lara Fabio, oikéva colección Gente que Hizo Historia oguenohëva El Lector.
Hemimbo'e arte lírico tetãme: Aura Mendoza, Alberto Ginés, María Clotilde Balmelli, Judith Ocampos, Ana María Casamayouret, Eladio Pérez González, Lando Tessari, Wilma Ferreira, Santos Lima, Estela Orrego ha ambue tapicha.
Péicha ko ára, opói diario abc color, aranduka hérava “Sofía Mendoza”, mbo'ehára Aída Lara ohai perfil biográfico.Ko aranduka oreko trece Colección Gente ojapóva Historia, ABC Color ha editorial El Lector.
Sofía Mendoza heñóiva'ekue 10 de julio de 1906 tavaguasu Pilar-pe. Oñemoarandu piano, teoría ha solfeo itavaguasu heñóihaguépe, hendive Sarah Silva de Ashwell. Upéicha, Paraguaýpe, director Instituto Paraguayo, Fernando Centurión, omokyre'ÿ ichupe oñemoarandu haguã purahéipe.
Oñeipytyvõ ichupe oestudia haguã Buenos Aires, Argentina-pe, ha upéi Turín, Italia-pe, Conservatorio Giuseppe Verdi, peteî beca ome'ëva ichupe gobierno paraguayo, omyakãva Dr. Eligio Ayala. Omohu'ãvo iñemoarandu, irundy ary, ojapo peteî gira de conciertos oñemomba'eguasúva tavaguasu italiana ha'éva Génova, Milán, San Remo ha Ventimiglia.
Ou Paraguay-pe 1932 jave, oguejy Montevideo, Uruguay-pe, omotenonde peteî concierto oipytyvõvo Cruz Roja Paraguaya –ogueromandu'avo Guerra del Chaco– ha oime ñoha'ãga Teatro Solís ha Sodre.
Sofía oguahë Montevideo-pe ary 1933; Ñorairõ guasu Cháko-pe oikóva hendy upérõ. Umi árape ojepovyvy situación paraguaya rehe, ha oñepyrü heta tembiapo cultural oipytyvõvo Cruz Roja Paraguaya-pe. Mayma sociedad montevideana oipytyvõ ichupe. Oñepyrü oñe'ë Ñe'ë'ãsãime (radio) El Sodre tavaguasu oriental ha ambue emisora tetãguáva.
Omohu'ãvo hembiapo, ohasa Buenos Aires gotyo, omoirü peteî movimiento cultural ha solidaridad Cruz Roja Paraguaya ndive, ikatu ahguã oipytyvõ umi guarini (soldados) Chákoregua ojejapíva.
Tavaguasu porteña-pe oñepyrü oñe'ê umi paraguayo residente-kuéra ndive.
Oñepresenta concurso peteîme ha oike upéicha elenco Teatro Colón Buenos Aires-peguápe, oike cantante estable 11 ary pukukue. Oime avei Stabat Mater de Pergolesi ha opurahéi: Cavalleria Rusticana, Il Trovatore, Boris Godunof, Suor Angélica, Madame Butterfly. Oime avei Erich Kleiber btúta poguýpe, Ferrucio Calusio, Tulio Serafín, Juan José Castro, Alberto Wolf ha ambue mbo'ehara kuéra. Oñepresenta mokõi temporada jey Teatro Municipal Río de Janeiro-pe, Santa Ana ha Municipal de Sao Paulo.
Ary 1944, gobierno general Higinio Morínigo oisãmbyhýva tetã, ou jey Paraguáipe ha oipytyvõ ichupe Ministerio de Educación y Culto omoheñói haguã Escuela Nacional de Canto, mokõipa ary rire hembiapo ndaijohái, ary 1965 oñemoambue Escuela Municipal de Canto oguerah+ava héra ko'ã ára peve.
Oñemomba'eguasu hembiapo ha ojeguerohory ichupe hembiapo rehe artística ha mbo'ehára ramo (docente), oñekondekora Orden al Mérito Educacional, rérape.
Sofía Mendoza omano Buenos Aires gotyo 3 jasypoteïme (julio) 1976 jave.
Haihára oikuaaukáva "Sofía Mendoza rembiasakue", Aída Lara Fabio, ha'e licenciada Comunicación-gua, ñe'éasãime oñe'ëva ha avei mbo'ehára. Tavarandui oikuaáva ha avei umi kuaandy purahéi rehegua ñane retã mba'éva. Oreko heta aranduka ohaíva ha oñemoherakuãmáva ha hetaiterei ñe'ëjovake ha jehai kuatiahaipyrépe guarã ñane retãme ha tetã ambuére.