“Roipota tekove ha sociedad isãsõva tuguy pochýgui, roipota oiko porã ha tovy'a, toiko porã ha vy'apavême. Noropermitimo'ãi anitei ojuka, ojopy, orãirõ, omomba'apo, omoakãity. Romopu'ã ore ñe'ê. Rojerúre Estado, en especial Poder Judicial anitei ore culpa ha tomokyre'ÿ impunidad ko'ã káso ha opáichagua tipo de violencia, jajepytaso oñondive ha organizada”, he'i video omoherakuãva acto central ko ára ojeheróva día de la eliminación de la violencia contra la mujer.
Ojerúre “taijoja ko'ã derecho” ha tojepytaso kuñanguéra “tembiporu omopu'ãva sociedad kuñanguéra, omba'apóva, indígena, campesina, mitãkuñanguéra, trans, tembimbo'e, mitãkuña'i, lesbiana. Opavave”.
Imandu'a kuñataî omanóva ramoite rehe ha ambue omanóva rehe ha péicha oñehendu he'ívo hikuái “Roipota ore irû oikove, ndoroipotái omanóve”, he'i hikuái.
Kuñanguéra chokokue ojerúre pe sistema “capitalista ha patriarcado” tohasa, imandu'a hikuái ohasa'asýva indígena ojejahéiva hesekuéra “ violencia, ñemboyke ha upévare romba'apóta oñondive”.
Ojerúre oî haguã espacio educativo seguros, topa aumi “universidades libres de acoso”. “Rojerúre justicia ojerure´va ha ohejáva carrera acoso rehe”, ojerúre omoambue haguã diferencia social ohapejokóva ko'ã kuña oike tekombo'épe oñemoarandu.