“Ko'ã árape ojeporu ha oñeproponéta campaña electoral-pe anitei osë vai jey ko'ã tembiapópe”, he'i senador Mario Abdo Benítez, presidente del Congreso, he'ívo ojepy'apyeterei ko'ã recurso ojeporúva clase política rupive ko'ã árape.
He'i oñomongetávo ko'ã árape oreko umi sector político py'apy ha osëva encuesta-gui, "pe boca de urna heta ára jey ovale ocontamina haguã proceso electoral”.
Oporomomandu'a ko'ã tembiporu ha'éva netamente científica, jepénte péva ko'ágã he'i hikuái anive haguã oñemoambue porandu ha mbohovái osë vaígui hikuái ko'ágã.
Péicha presidente Cámara de Diputados, Hugo Velázquez, he'i ha'eha peteî tema ovaléva la pena oñehesa'ÿijo ha omomba'e ojegueroviávo Tribunal Superior de Justicia Electoral (TSJE), kóva ojehechávo boca de urna ome'ëva ganador ko candidato Asociación Nacional Republicana (ANR) Arnaldo Samaniego, Paraguaýpe, upéi osë oñemotenonde postulante oposición-gua, Mario Ferreiro.
“Por suerte pueblo paraguayo oikuaa mba'épa pe democracia, pepensamína mba'épa ojehuramo'ã oiko rire Paraguaýpe fraude, péva ningo opa boca de urna omogana ANR”-pe, he'i.
Pe misión de observación electoral oúva Organización de los Estados Americanos (OEA), upe informe preliminar oikuaaukávape, he'i: '“ohechahague ojeporúvo subterfugio omoherakuãvo umi dato preliminar jepénte nopenái legislación oïva vigente rehe. Ohechakuaávo ha'eha mecanismo ndaha'éi oïva jerguerovia heses, ikatu oñemanipula, péva ndahasýeiete ha ikatu avei ojeporu oinflui haguã voluntad orekóva umi ovotáva, péva peteî misión ombohesape'ava'erã firmemente regulación pe materia omyesakãva ha ombotovéva ko'ãichagua jepokuaa”.