Pe Fiscalía EE.UU.-pegua ogueraha kuehe peteî testigo pyahu omba'emombe'u haguã pe jucio Juan Ángel Napout, José M. Marín ha Manuel Burga rehe, caso FIFA-Gate rehegua. H'ei imandu'aha Napout ha Burga rehe oipyhy hague coimas empresa FullPlay-gui.
Pe testigo héra Santiago Peña (ema'êmína!) ha ha'e raka'e umi Jinkis jeroviaha. Jinkis-kuéra hína pe FullPlay jára ra'e. Peña oguerekopaite kuatiáre mávapepa ombohasa pirapire, ha téra rangue ohai térã gua'u, ha pe kuatia ome'ê FBI-pe. Pe juicio-pe omombe'u Napout ojehero hague “Honda” oipyhývo soborno. Kóva ndaje ojerure plata pirirínte ha ocobra US$ 1 millón Copa América Chile rehe.