Fernández he'i oîha ch+ákepe ha omongyhyjéva ichupe umi omokyre'ýva diputado Miguel Cuevas-pe, oñeadelantado omosêtaha ichupe acto partidario jave ambue árape.
Edil he'i nofirma mo'ãiha renuncia partido ha imandu'a ko'ã político otakýva, ohenóiva avei intendencia péva Unace guive ha upéi ohasa carpa Partido Colorado, kóva imandu'ávo exintendente Martín Samaniego rehe.
Avei ikatúha odeclina candidatura a cambio Samaniego “ogueru haguã viru omondava'ekue”, imandu'ávo ABC Color omoherakuãva supuesto perjuicio patrimonial Gs. 10.000 millones ohejáva Municipalidad local-pe. Fernández he'i ha'e oojepy'apýha ipueblo oikotevêva ha Municipalidad oñatendeva'erã umi reclamo tavaygua oipotáva rehe, “ndaha'éi peteî empresa familiar osêhápe ha ndikatúi oike entorno-gua”. Heta mba'e oî ojejapova'erã ko municipio-pe ha umi poblador-kuéra oiporavova'erã peteî persona oikohápe ko tendáre ha oîva comprometida tavaygua ndive.
Samaniego orenunsia intendente oñepresenta diputado ANR. Junta Municipal oiporavo intendente interina concejal liberal, Isidora Benítez-pe. Pya'eko intendentekue 25 de febrero, omoî hembireko candidata ramo abogada Patricia Adriana Corvalán Movimiento Colorado Añetetére ha ogana Honor Colorado, Marcial Gerónimo Valdez-pe.
Upérõ oiko interna febrerista ha Fernández hupi16 vóto umi 350 inscripto partido-pe.
Avy oî ko'ã tendáre ex senador
Samaniego ojoavy Fernández ndive ojejuka haguére itúvape ha'eva'ekue exsenador Unace, Martín Samaniego, 8 de noviembre 2006 ojejukava'ekue.
Exparlamentario oñeasesina estancia orekóva compañía Isla Valle-pe. Upérõ candidata a intendente oime presidenta seccional colorada-pe ha oje'e ha'eha supuesta autora moral expolítico Unace jejukápe.
Tribunal de Sentencia, oimehápe magistrados Hugo Ríos Alcaraz, Gloria Garay ha Gerardo Ruiz Díaz ocondena 25 ary prisión Héctor Lugo Villalba, ho'áva hese tukumbo ojukágui exsenador-pe. Upéicha Fernández ha exintendente Lucio Martínez (kolo'o), oñebeneficia sobreseimiento provisional, ko'ã arýpe ohasáva'ekue.