Ko'ágã peve camarista-va Miryam Josefina Peña Candia ojapóta juramento ko ka'aru ministra de la Corte Suprema de Justicia ramo. Péva oikóta ko ka'aru, oñembyatývo sesión extraordinaria-pe moõive Cámara ñane Congreso-pegua, 17:00 aravo jave.
Peña omyengovia Víctor Núñez-pe, omoî va'ekue renuncia jasypakõi ary 2014-pe, oñandumarõ outa hi'ári peteî juicio político. Ha katu upe rire Poder Ejecutivo ome'ê Núñez-pe jopói ramo cargo porã, ha 13 jasyporundy guive ha'e “funcionario permanente” Yacyretã-pe.