Oguahêta pyhare ha ko'ëmbotávo oguahëta ñane retãme periodista deportivo Gustavo Köhn retekue, Fuerza Aérea korapýpe, Conmebol rovái. Upe guive, umi familiar, hi'angirünguéra ha maymáva ikatu omoirû caravana oguahë meve Secretaría Nacional de Deportes (SND), oïva avenida Eusebio Ayala ári, omomaitei paha haguã.
Oñepyrüvo pe aravo ojevelávo omotenondéta hogayguakuéra oimehápe reservada ifamilia hi'aguïvéva, ha opavave tapicha ikatúma oguahë ko'ëti jave pyhare pyte peve. Velatorio oñemotenondéta viernes ha sábado asaje peve, péicha oikuaauka hogayguakuéra. Ampliación ombohovái oha'ãrõtáva oguahëvo igente tetã ambuégui. Ojekuaa Köhn retekue sábado ocremáta hikuái, ha'e ojerure haguéicha.
Gustavo Köhn omano 23:00 aravo jave upe miércoles 29 de abril, heta hasy rire, Camargo Cáncer Center Sao Paulo, Brasil-pe. "Campeón ñandereja", he'i Maura Brítez, hembireko Facebook roguépe "Todos con Gustavo Köhn", omomýiva ifamilia.