Hetaite kuña ha kuimba'e, imitã ha tuicháva, ijaty kuehe tupao háre ñane retã tuichakue ogueromandu'a haguã Ñandejára jehasa asy ha imano, ñembo'e vía crucis rupive.
Mayma tapicha cristiano oñembyaty jevýta ko pyhare mayma tupao háre oñemoñepyrûvo pe Vigilia Pascual pe Pascua de Resurrección ha'arõvo.
Karai arzobispo emérito Táva Guasu-pegua, Mons. Cuquejo, oipota toñeñangarekove ñane mitã ha avei mitãrusu ha mitãkuñanguéra rehe. Imandu'ávo Ñandejára rembiahakue rehe, Catedral Metropolitana-pe, ojerure avei opavavépe toheja tapevai ha tombopyahu hekove.