"Omotenonde rire 22 ary omba'apóha sociedad paraguaya-pe, kuñanguéra, mitãkuña'i, mitã'i ha mitãkuña ha mitãkaria'y rehe oipytyvõvo isykuérape omoañete haguã erecho orekóva, Fundación Kuña Aty ombotýta hokê". Péicha oikuaauka Fundación Kuña Aty pe Facebook, rupive ko ára guive.
Marandu omoherakuãva omombe'u "determinación oguahëvape hikuái ndikatuvéigui oñemantene, ndorekovéi fondo. Consejo de Administración, plantel técnico ha administrativo, omba'apo ijehegui ha oipytyvõ umi kuñnuérape ha imembykuérape".
Omoañete heta omba'apohague ha heta gente osë ñemoarandúpe upégui "heta profesional en género, violencia, derechos sexuales ha reproductivo-pe, omba'apóva actividad pública ha privada-pe tetã pukukue".
Hembiapo mbytépe, fundación omomba'e campaña oikuauakáva kuñanguéra, policía, fiscal, jueza ha juece-pe avei personal de salud mba'épa he'ise violencia, mba'e mba'épa osë upégui ha mba'éichapa oharu peteî familia. "Ore misión pytyvõ ha recuperación, empoderamiento, avei autoestima kuñanguéra umi servicio ome'ëva avei justicia ombotovéva umi kuñanguéra mboriahumíme", ombojoapy comunicado.
Péicha avei he'i: "lastimosamente umi fuente de recurso oñemomichï ohóvo ary ohóvape, ko'ágã prácticamente ndaiporivéimái". Péicha avei, omomba'e guasu pytyvõ oúva cultura musical-gui péva heta "músico, poeta intérprete opáichagua arte, ombojoaju tejkoayhu ha jekupytyjoja".
Fundación Kuña Aty he'i jey, ipahaitépe, orekóha a disposición del Estado "opáichagua documentación contable odisponéva revisión, omyesakãva ipoyvi".