“Ohasáma peteî ary amba'apo hague ko'ápe haimete avave oikuaa'ÿre, Ha péina, haimete aha'arõ'ÿre, ko'ágã papa Francisco oúta ore rendápe”, he'i kuehe pa'i Ireneo Valdez.
Oñandu rire ho'oitépe tapicha remikotevê ha jehasa asy Bañado Sur-pe, ko pa'i jesuita ojerure maymávape tomopu'ã tetã iporãvéva.
Ko Bañado oime umi tenda oiporavóva'ekue Papa Francisco ohenduka haguã upete guive Ñandejára ñe'ê mayma tapichápe guarã, ára 12 jasypoteî oúvape.
“Ko karai guasu jeju rupive ikatúta tenonderã orekuaa mayma tetãygua. Maypa tapicha oikuaa haguã mba'éichapa roiko ko'ápe”, he'i pa'i Ireneo.