Brasileño Valdemir Dos Santos Pereira, alias “Perna”, he'íva oikuaáva ikuatia ky'a hetãme, orekóha doble nacionalidad ha upéva rehe oreko cédula paraguaya.
He'i hikuái orekóha dato extraoficial, oîha protegido diputada colorada Cristina Villalba de Abente ogueroviágui ndikatúiha ojepoko hese “intocable” upe tendáre ha oreko umi policía fronteriza protección.
Mario Martínez, ymaite umi antiguo poblador tavaygua, omyesakã orekóva tesaráipe gobierno, “brasileño ojekuaáva Perna oiméva yvy jogua comunidad, gente oikuave'ê, opáichagua sector, haimete 600 hectárea rupi, ore rojogua rorecupera yvy oremba'éva, ndoroguerekovéima ningo roñemitÿ haguã”, he'i.
He'i planta urbana oime población, “ko'ã tapicha oikuave'êva ha ováva ko tendágui, oñemopyenda Kuruguaty gotyo, roikotevê Indert ou ko'ã tendáre ikatu haguã ointervenir, ko'ápe brasileño opaga 70 a 80 millones de guaraníes 10 hectárea, colonia 20 ary rupi oime hague ko távape”, he'i poblador.
Ko asentamiento oiméva 15 kilómetros casco céntrico tavaguasu Itanarâme, oime peteî mbo'ehao mbovymi temimbo'e, upéicha peteî capilla ikatúva okañy taha'e ha'éva, oimehápe parte urbana oiméva brasileño, ko'ápe oime 25 familia oñemohatãva oikuave'êvo yvy, he'i hikuái. Péicha umi chokokue noñe'êséi prensa ndive okyhyjégui “Perna”-gui.
He'i ndojoguáiha yvy
Roñomongetávo celular rupive Valdemir Dos Santos ndive, he'i ndojoguáiha colonia San Ramón. Japu, péva he'i.
Ojeguatávo upe tendáre ojehechakuaáma, ha'eha peteî parte de la colonia estancia ko'ágã oiko chugui.
Oñeha'ãrõ Indert ointerveni he'i umi tavaygua.