Mburuvichakuéra omoï hikuái ko ára guive La Paz y El Alto peteî “ley seca” ombotovéva bebida alcohólica ñekuave'ë arapo ára peve, oñemotenondéta Santa Cruz gotyo ararundy, arapo ha arapoteî.Gobierno Evo Morales omoañete arete ramo ko'ã ára tavaguasu La Paz ha Santa Cruz arapo ikatu haguã umi gente ikatu pome ko'ã acto oficial-pe.
Y rypy'a ha yvytu roysãite ambue ára ohasava, tavaguasu La Paz osë kuarahy, tavaguasu Santa Cruz yrypy'a morotíme ojejuhu upévagui mburuvichakuéra tupãogua ojerúre iko'ë ára porãme hikuái.
Mba'apohára municipal El Alto omopu'ã “campus papal”,Franciscoomomaiteíta mayma tapicha oikóva upe tetãme, oguahë rire aeropuerto tavaguasúpe 16:15 aravo local (20:15 GMT) oúvo Ecuador-gui.
Según he'i hikuái Gobierno, oúvo papa oisu'u koka rogue péva “acullique” ombovwevúi haguã ichupe La Paz ijyvatetéva, oiméva 4.000 ha 3.600 metro mar ári.
Aimara ohasávo altiplano guive campus peve omomaiteívo Francisco purahéi lengua nativa-pe, oguejy ñepyrü guive La Paz gotyo peteî mba'yrumýi ohasávo autopista orekóva 11 kilómetro ojoajúvo ko'ã tavaguasu ndive.
Umi mba'apohára oipykúiva ha omyatyrõ vía oïtahápe peteî tenda opyta haguã sapy'aite Francisco oguerohorývo Jesuita español Luis Espinal, oje'éva ha'eha Bolivia-pe peteî mártir de la democracia.
Espinal ojesekuestrava'ekue, ojetortura ha ojuka hikuái paramilitar-kuéra ha hetekue ojejuhu 22 jasyapy 1980, irundy jasy rire dictadura Luis García Meza (1980-1981) oñemohatã riremínte, ipytyvõharakuéra rehe oje'e ndohejáhiha pypore oipytyvõvo umi tekove tie'ÿ ojukáva ichupe.
Upe tenda oguerohory momaitei hekoitépe oikekuévo Plan Autopista-pe, upe guive maymáva oguatáta oguerohorývo pa'i jesuita upe tenda ojuhu haguépe hetekue peve.
Alcaldía de La Paz oinaugura kuehe peteî tenda memorial oikéva peteî escultura omoha'angáva peteî kurusu ha peteî biblia ogueraháva lema omomaiteíva Avave Marangatúpe tetã Bolivia-pe, oguahëvo he'íva: “Con Francisco anunciamos la alegría del Evangelio”, avei yvotyty oipyaha opáichagua diseño.
Oikundaha rire centro paceño, Francisco oguahëta Palacio de Gobierno peve upépe mburuvicha Evo Morales omomaiteíta ha upéi ohóta Catedral Metropolitana peve mburuvichakuéra civil ndive ñomongetarã.
Ararundy pyhare jave, Avare marangatu ohóta Santa Cruz peve, upépe opytu'úta cardenal boliviano oikohápe, Julio Terrazas, ha upe arapo ára jave papa Francisco omyakãta misa upéva heta tapicha oiméma estatua Cristo Redentor jerére.
Ko'ápe oñemopyenda escenario ha'éva arquitectura tupão rehegua misiones jesuíticas Chiquitania renda gotyo, oï avei peteî altar, peteî atril, kususu. apyka umi 18 artesano ipópe ombojeuáva pueblo cruceño Postrervalle-pegua.
Oñembosako'i 700 pa'i rupi omoirütáva Avare Francisco misa upe ára have ha 2.500 laico ome'ëta 750.000 hostia consagrada comunión jave.
Eucaristía opurahéita mokõiha coro aty, peteîva mitãnguéra opurahéiva español-pe ha'ekuéra ha ambue aty Chiquitania guive, música barroca ha purahéi ojehaíva latín.
Ka'aru, papa oñembyatýta umi pa'i, religiosa ha seminarista-kuéra ndive ha upéi Morales ndive oiméta oiko jave clausura del II Encuentro Mundial de Movimientos Populares, ojegueroguatáva ko araapy guive Santa Cruz Bolivai-pe.
Omotenonde avei prisión de Palmasola, péva tenda hi'apañuãiva tetãme ha oïháme recluso ohechaukatáva pontífice-pe umi tekotevëmby ohasáva justicia, salud ha alimentación.
Omomaiteíva umi preso ambue cárcel upe tetãme, ogueraháta jopói ha'ekuéraite voi ojapóva.
Umi Potosígua omme'ëta hikuái chupe peteî suéter de lana ogueraháva papa Francisco réra; upéicha Palmasola ombojopóita peteî cuadro tallado yvyrágui oguerekóvaa Última Cena ra'anga ha peteî kyha orekóva Vaticano sa'y ha ojepy'ava'ekue tapichára po guive.
Francisco ohasáta Paraguái gotyo 13:00 aravo local (17:00 GMT).