Ojekuaa Festival Arayvoty ha Ary Pyahu omoguahëva Jasy, Paraguáipe péicha ovy'a ha ogueromandu'a avei comunidad china vy'apópe. LPéva omboguata Jasy papaha rupive, ndo'áiva peteî árape katuetéva, ojavy'ími, pero ha'éva Jasyteî ha Jasykõime. Ko arýpe, vy'aguasu ko'êrõ 5 de febrero. Ko vy'aguasu ogueru hendive ijepokuaa ymaite guive oúva ijypykuéragui ha ohechauka jeroviaha umi mba'e porã orekóva ko'ã pueblo oriental.
Paraguáipe, comunidad china oñemotenonde vy'aguasu ary pyahu oguahëva 4717 ha upévare oñembosako'íma jeroky, ñoha'anga, ijao ha tembi'u especial, ha'éva avei ary kure ojegueromandu'áva kure.
Ko'ã ritual ára mboyve oñembo'e ha oñeakãngeta, omombe'uháicha karai Wai “Wini” Ling, restaurante Fusin jára, Paraguaýpe. Ha'e oiko mokõipa arýma tetãme ha ombosako'i ko pyhare peteî karu guasu pyhare familia-kuéra ndive.
Comunidad china ojepytaso familia aty rehe, omomorã hóga umi jeguaka oguerúva chupekuéra guarã po'a. Avei tembi'u chovi omombia haguã tekotevê ha jehasa asy.
Omopotî ombojeguávo jeguaka, omopotî óga ryepy ha omohyakuã porã, ha omoî umi farolito, ombojajái oiporúvo umi linterna ohesapéva ha péva ogueru “tetia'e” ko'ã árape ha umi ára oúvape.
Ao omondéva hikuái ome'êvo hi'aguyje oúva. Jepiguáicha oiporu seda pytã, orekóv kuarahy ha yvoty itajúva. Avei umi show pirotécnico, omyenyhêva yvága ohesapéva avei energía omopotîva ha ombopyahúva ary oúva vy'apópe.
Tembi'u ryguasu, pira, camaron, empanadita chinas ha mbujape navogui ojejapóva, omombe'u karai Ling.
Ojekuaa avei umi plato ha'e pira, símbolo prosperidad, ravioles ha rollito primavera, oguerúva riqueza, arroz apu'a'i, joaju familiar ha avei yva ohenóiva abundancia-pe.
Upéicha avei longevidad, ogueru mesápe tallarin ome'êgui guaigui ha tuja oikóve heta ary.
Jeroky ñoha'anga umi dragon ha leõ, puroy imba'éva ha performance, mitãkuña'i ha mit0Ò'i omotenondéva.
Ricardo Chiu, ha'e encargado de prensa Embajada de la República de China (Taiwán) oîva Paraguáipe he'i Año Nuevo Chino ha'eha peteî ára tuichaitereíva chupekuéra guarã ha umi oikóva occidente gotyo. “Ha'e ningo festival omomba'eguasuvéva umi ogaygua oikóva oñondivepe guarã”, he'i.
Omombe'u avei hikuái peteî arapokõindy opytu'u imba'apohágui, ikatu haguã umi miembro de familia oïva mombyry oho térã ou haguã igente rendápe ohasa haguã mborayhu, kunu'ü ha torype oñondive.
Imandu'a avei Paraguaýpe ndorekói comunidad china importante oî katu heta chino residentes Ciudad el Este-pe; upévare nomotenondemo'ã peteî acto oficial, heta oî ohóva hetãme.