Opajeýma ko ary, heta mba’e jahasa, umía apytépe, mba’e porã, mba’e vai, ágã katu ikatu ja’e jahupytyha ñane rembipota. Néi ko kuatiahai guive romoguahê opavavevápe ore maitei ha aguije peime haguére orendive peteî ary jey. Tapehasa porã Ñandejara’i reñói ha ary pyahu!!!

Pesebre apóvo

Sy, túva, ha mayma ogayguakuéra oñembosako’íma pesebre apóvo: Hose, María ha Hesu ra’anga pyaeke pe gueru, néi ha los reyeskuéraguike ani penderesarái!, kapi’i hogarã, yvakuéra ñambojeguapa haguã, aníke penderesarái mbokajapoty tomohyakuãvupa Ñandejara’i reñói.

Clericó ha sopa

Yva opáichagua, narã, merõ, ha parral rykuépe ñamoîmba, michimi asuka he’ê haguã, oîmbáma clericó.

Avati ku’i, kesu ha sevói, oñondivepa ñambojehe’a, tatakuápe upéva aja heta porã jepe’a tahendy, tahaku porã pytã asy sopa osê haguã.

Ao pyahu

Néi pya’éke peñemonde mitãkuéra, péina ao pyahu peguereko, iporãite nde sái, nde sapatúpa opytaporã… Iporã porãma ko’ã mitã!!

Néi peho okápe, mbokavícho, foforito ha ajito pembokapu, peñangarekóke michivévare ani okái…

Vy’apavê opavavévape guarã!