Cargando...
Ñamoñe’ẽmína
Ñandu Guasu oha'arõ oipyahapa porã raẽ peteĩ yvyra rakãre, ha ojapyhýta jave ogueraha haĝua hembiayhúpe, oñemboja upépe "Jasy Ñemoñare", oikóva avei pe mitãkuñáre ijaguara. Opa'ã hikuái upépente voi ojuehe peteĩ ñorãirõ miémape.
Ñandu Guasu ipu'aka Jasy Ñemoñare rehe ha ojapyhývo pe mba'e potapyrã, Ka'aguy Jarýi Rekoporã rembiapokue, osopa umi iñimbo ha oparei chupe ipópe.
Heta oñeha'ã rire, Ñandu Guasu opyta jey mba'eve'ỹre. Oguapy upérupi peteĩ yvyra rakã guasu piru ñeno ári ojepy'amongeta.
Upéicha oĩhágui hína, ohecha sapy'a isy ĝuaiĝuimíme oĝuahẽ oúvo hendápe oipytyvõvo chupe. Ohecha pype imemby karia'ýpe ojehúva, oipyhy oipo'o umi iñakãrague morotĩ ha oñepyrũ oipyaha.
Ojapo upéicha peteĩ mba'e neporãmbajepéva, Ka'aguy Jarýi Rekoporã rembiapokue joguaite, ha oikoénte chugui ikatúgui ko'áĝa jajapyhy ha jaipokytypa oñembyai'ỹre.
Ojopévo kuarahy, ovávaicha hese umi sa'y opaichagua, pytã, say'ju, hovy, morotĩva ha oiko chugui peteĩ mba'e pyahapyre jegua omimbipáva ha ombohéra hikuái Ñanduti. Péa he'ise "ñandu atĩ".
Upémaro avei ombohéra hikuái Ñandu umi mymbami ka'aguýre oikóva oipyaha ĝuaiĝuimi rembiapokue joguaha.
Upete guive kuña nguéra ñande ypykue, ha aĝaite peve kuñakarai, kuñataĩ ha mitãkuña'i jepeve, Paraguái ñemoñaréva, ojapo péva pe tembiapo porãite jaguerohorypa'ỹva araka'eve ha omimbipáva kuarahýicha, sa'yeta ombojegua jukýgui chupe ha ñande resa omopyryrỹi kunu'ũva vy'águi.
Tembiapora
Ñamyesakã mba’épa he’ise ko’ã ñe’ẽ .Jajeporeka ñe’ẽryrúpe
. Hembiayhu………………………………………………………….
. Japyhy……………………………………………………………….
. Ijaguara………………………………………………………………
. Ipu’aka……………………………………………………………….
. Inimbo………………………………………………………………..
-Jaipuru ñe’ẽnguéra jahai haguã ñe’ẽjoaju
……………………………………………………………………………………………………………………………………………………………………………………………………………………………………………………………………………………………………………………………………………………………………………………
-Ñambohovaimína ko’ã ñeporandu
-Mba’épa he’ise Ñanduti
………………………………………………………………………………
-Mba’éichapa oipytyvõ Ñandu guasúpe isy
………………………………………………………………………………
-Máva ndivépa oikovai Ñandu guasu, mba’érepa
……………………………………………………………………………….
-Mba’e moñe’ẽrãpa (mensaje) oheja ñandéve ko mombe’upy
………………………………………………………………………………
-Ñañeha’ãmína jajeporeka ha jaikuaa mba’éichapa ojejapo ko’ãga Ñanduti.
-Jaikuaauka ñane irũnguéra ha mbo’ehárape jaikuaa pyahúva Ñanduti rehegua.