Cargando...
1. Jajesarekomína ta’angáre ha ñamombe’u ñane irũnguéra ha mboéhárape mba’épa jahecha.
2. Ñañemongetahápe ñambohovaimi ko’ã ñeporandu.
-Mba’érepa vaicha oñe’ẽta ñane morangu.
-Ñamombe’umi morangu ñanemandu’avévare ha mba’e mbo’epýpa omoguãhẽ omoñe’ẽva ha oñamindu’úva hesépe.
3. Ñamoñe’ẽmi morangu Kamby hepyme’ẽha.
La lechera
Kuñataĩ porã, vy’ápe kambuchi renyhẽ kambýgui iñakã ári oho supermercado gotyo ohepyme’ẽvo ikamby.
Tape pukukue ogueraha iñakãme heta mba’e ojaposéva ikamby repykuégui. He’i ohóvo ijupe:
- Añepyrũ haguã ajoguáta peteĩ ajaka ryguasu rupi’a. Upévagui ikatúma osẽ chéve hetaiterei ryguasura’y.
- Ryguasu ra’y okakuaapávo, hepykuére ikatúma ajogua che kurerã amongyra ha hepykuére ajogua lechera porã ikamby hetáva, hetave kamby ahepyme’ẽta. Upéi ajoguáta che rógarã. Upe jave oñepysanga. Ho’a ichugui ikambuchi, ojeka ha ikamby osyry yvýre.
Upépe opa ichugui umi mba’e ojapovahína kuri iñakãme: opa ryguasu ra’y, opa kure opa vaka, opa kamby, sapy’aitépe opaite ichugui.
Félix María Samaniego. Ombohasa guaraníme Teresa González R. de Benítez.
Tekombo’e ome’ẽva ko morangu
«Ani reñemotenonde oikótavare, upéva oipe’a py’aguapy, ha ogueraha ne akã ambue hendágotyo. Iporãve reñangareko reguerekóvare, ome’ẽ haguã ndéve ome’ẽva’erã ko’ágã.»
4. Ñamongurusúta heẽ térã nahániri.
1. Kuñataĩ, vy’ápe ogueraha iñakã’ári kambuchi ýgui henyhẽva.
2. Oho tupao gotyo ohepyme’ẽvo ikamby.
3. Tape pukukue ogueraha iñakãme heta mba’e.
4. Mitãkuña oñepysanga ha ho'a ikamby.
5- Ha’e ojogua heta mba’e.
5. Emoñe’ẽ jey morangu ha emoĩmba.
Ñepyrũmby
………………………………………………………………………..
Mbyte
………………………………………………………………………..
Paha
……………………………………………………………………….