Cargando...
Ápe avy’a
Oime raka’e mokoi mitakaria’y marangatu ha heko porãva, Hose ha Lui, voikuérejeko oho hikuái kokuépe omba’apo, ha hógape isy ha itúva tujami chuepekuéra oha’arõ.
Hose ha Lui jeko ndaikane’oivoi, omba’apo ko’êguive pytûmeve. Peteî ára oñomongeta kokuere ru’ãme:
—Hose: Ndépiko mba’e rejapose nde rekovegui. Mba’ere piko reporandu –ombohovái chupe Lui.
—Hose: Aikuaasemínteko. Che peteî ára ahase aiko mombyry, ambue tetãre voi.
—Lui: Mba’éiko oike ndeve upéicharõ. Iporãite ko ñane retã, ha nde rehose mombyry. Chékatu ápe amanose, añangareko che róga ha che rogayguáre; ahechase kuarahy resê che kokue ru’ãguive, ha che rógagui, che mborayhujára ndive, ahechase okañyvove kuarahy, ápe avy’a.
—Hose: Iporãite pe ereve che kyvy, hi’ánte che rehupyty pe reipotáva.
—Lui: Taupéicha avei ndéve guarã.
Oukuévo hógape, oikepotáipi kuarahy, Lui he’i Hosépe, ¡emañamina mba’éichapa iporã! Opuka ha oañua ikypy’ýpe ha pukavýpe hógape ojevy, oîhame isy ha itúva oha’ãrova vy’ápe hemiarirokuérape.
WOPA
Ñahesa’yijo moñe’êrã
1- Mba’e he’ise ko’ã ñe’ê moñe’êrãme.
* marangatu: ........................................................
* ambue tetãre: .....................................................
* mborayhujára: .....................................................
* hemiarirokuérape: ................................................
2- Ñaguenohê moñe’êrãgui.
Kuaarapoite (Idea principal)
.................................................................................................................................
Kuaarapoyke (Idea secundaria)
..................................................................................................................................
Avatee (Personaje principal)
……………………………………………………………………………………..
Avatee’ÿ (Personaje secundario)
……………………………………………………………………………………..
3- Ñamohenda moñe’êrãme oîháicha.
…. Petei ára oñomongeta kokuere ru’ame ...
…. Iporãite pe eréva che kyvy, hi’ánte che rehupyty pe reipotáva…
…. Oime raka’e mokõi mitakaria’y marangatu ha heko porãva…
…. Hógape ojevy, oihápe isy há itúva oha’arova vy’ápe hemiarirokuérape…
4- Jahai mba’ére oiko ha mba’épa ojehu.
Mba’ére oiko
Mba’épa ojehu