Cargando...
Pohã ñanágui ikatu jaipuru hoguekue, ipotykue, ha’ỹi, ipirekue térã hapokue.
Ava guarani oguerekova’ekue arandu tuichaitereíva ha oikuaa porãiterei pohã ñana oguerekoha pokatu oporomonguera hag̃ua. Oikuaa avei mba’éichapa ombojehe’áva’erã, máva mávapa ikatu oipuru oñondive ha mávapa ndaikatúi ombojehe’a ambue ndive.
Yma guivéma voi ñande ypykuéra omomba’e ha oiporu pohã ñana, péicha ha’ekuéra omboguevi ha omonguera mba’asy.
Pohã ñana jepuru
Ikatu oje’u yguápe, tererépe, ka’aýpe, te, macerado, enserenado, horchata ha ñandyry.
Ygua: péva ikatu jajapo pohã rogue, poty, ra’ỹi, pire, térã, rapokuégui. Pévarã ikatu oñembopupu y, ojepoi ipype pohã, opupu’imi ha ojeheja ho’ysã ojey’u hag̃ua yguáramo. Ikatúnte avei oñemoĩ y ro’ysãme, upevarã ojejoso porã pohã ha ojeheja hykuesẽ ha upéi ikatúma oñemboy’u. Pohã y g̃uarã ojejohéi porãva’erã, ikatu oguereko mymbachu’i ñanembohasýva (larvas, bacterias, hongos).
Ñe’ẽndy
Arandu: saber, conocimiento.
Pokatu: poder, propiedad.
Ombojehe’áva’erã: debía mezclar.
Ypykuéra: antepasados, ancestros.
Ambue: otro/a/os/as.
Omboguevi: alivia
Omonguera: cura.
Mba’asy: enfermedad.
Jepuru: uso, empleo.
Ygua: como agua.
