Ohai: Prof. Dra. Alicia Rojas Macedo.

I

Heta arýma ohasa

Reipysyrõ hague ñane retã

Upéramo guare nemitã

Ha nde symi akóinte nderovasa.

II

Reho amo Cháko ruguápe

Reñorãiro ñane retã rayhupápe

Heta mba’e rehasa

Ñembyahýi ha uhéi.

III

Ndéko hína paraguaiete

Nanembokuchúi pytagua

Rejepytaso karia’yetéicha

Ha remuñamba umi ava ñaña.

IV

Pe mboka tuichavéva

Ha ipu hatãvéva reguerekóva nendive

Upéva ha’e ñane ñe’ẽ guarani

Ombotavýva umi tekove ñañáme.

V

Opyta ijurujái ava ñaña pytagua

Reñe’ẽvo guaraníme

Remokañyete chupekuéra

Ha repuka hesekuéra.

VI

Péva ha’e kariay’ete paraguái

Péicha pemuñamba umi ava ñaña

Su porundysa mbohapypa mokõi guive

Su porundysa mbohapypa po peve.