Cargando...
India-pe oikova’ekue peteî karai, yguerojaha, oguerekóva mokõi kambuchi tuicha omosãingóva peteî yvyra apyrakuéra rehe. Upe yvyra ha’e ogueraháva Jedi ijati’y ári. Peteîva umi kambuchígui ningo otiri heta hendápe, ambuéva katu nahániri, upévare pe y ojeguerojáva ipype oguahê porãite, pe ysyry guive óga peve, pe kambuchi otiríva ningo oguahê avei y reheve, ágã katu iku’a pevénte. Péicha oikókuri heta ára.
Pe kambuchi ndotiríriva oñembotuicha, ha’e oikuaa ojapoha hekópe pe tembiapo ojapova’erã. Pe kambuchi otiríva katu otî ndaikatúigui ogueroguahê pe y oñeha’arõháicha.
Peteî ára, kambuchi otiríva oñe’ê pe karaípe, y oguerojávape, he’ívo:
—Aipota cheñyrõ, atiripágui ningo nde ndaikatúi rejapo porã ne rembiapo, ha avei upévare ojehepyme’ê sa’ive ndéve.
Pe karai, poriahuverekópe, he’i chupe:
—Jahakuévo ógape aipota remañami umi yvoty porãitáre heñoiva upe tape yke pukukuére.
Péicha ojapo upe kambuchi, ha ohecha heta yvoty porã porã, hyakuã asýva, oîva pe tapére. Upeichave ramo jepe añeñandu vai nomoguahêigui pe y hekoitépe.
Upe ramo, pe karai oporandu chupe:
—Rehechakuaa piko umi yvoty heñoiha peteî yképe añónte? Che ningo opa ára aikuaákuri retiriha, ha upévare añepyrû amosarambi yvoty ra’ÿi pe tape pukukue, upe nde rejutaha gotyo.
Péicha, opa ára ohasávape, nde remyaky, remohe’õ rehóvo. Nderehe ae umi yvoty ombohory opa ohasávape, nde remyaky, remohe’õ rehóvo.
Nderehe ae umi yvoty ombohory opa ohásava upe rupi resa, avei ombohyakuã asy ha omoporã pe tenda. Nde ndaha’éi rire péicha ningo ndaikatuiva’erãmo’ã jareko mba’e poraite asy.
Ñande, tekove peteîteî, jaguereko avei umi tiri. Ñande ningo hína upe kambuchi otirívaicha, ágã katu iporã jaikuaa, jaipuru ramo umi tiri jajapo haguã mba’e porã, katuete jahupytýta mba’e porãita, oipytyvõva ñande rapichápe ha ñanepytyvõtava ñandéve avei opa tembiapo porã apópe.
Haihára: Ndojekuaái.
Ombohasa guarani ñe’ême Miriam de Báez
Ñamoñe’êpa rire ñañemongeta atýpe.
1. Mba’e kuaapyrã oheja ko moñe’êrã.
...................................................................................................
....................................................................................................
2. Ñamoîmba
- Mávakuéra (personajes) ..................................................................................
- Tekoha (ambiente)...........................................................................................
3. Ñambohovái
a) Mba’e omombe’u moñe’êrã?
ã) Mba’éicha oñeñandu kambuchi otíriva?
ch) Mba’épa he’i kambuchípe karai.
e) Mba’épa reñandu emoñe’êmba rire moñe’êrã.