“Yvy ha producción para el desarrollo, omopu'ãva poder popular” consigna omotenondéva ko arýpe umi chokokue Federación Nacional Campesina (FNC) oñemanifesta hikuái tavaguasu Paraguaýpe.
Oñembyaty ha opñembosako'i movilización oúva ohenóivo ha ombyatývo maymáva tekove okaraygua ha mba'apohára tetãyguáva. Ko'ãva oguhê Paraguaýpe^ko miércoles pyhare ha jueves ouatáta hikuái. Pe itinerario omotenondéva ko'ã tendota organización omotenondéva movilización oñepyrûva 8:00 arvo jave osêta hikuái Seminario Metropolitano avenida Kubitschek oguahê meve avenida Eusebio Ayala. Oguatátahikuái Gral. Aquino calle Azara peve upégui oguatáta hikuái calle Paraguarí gotyo Plaza Uruguaya peve.
Omotenondéta acto central oúva 10:00 aravo guive, ombosako'íva karu guasu oñembojýva olla popular. Oipysóva ko'ã chokokue oúva aty guasurãi.
Oúva okarayguágui ko'ã chokokue oñembyatýta hikuái, carretera Calle 8.000 Santaníme (San Pedro), tinglado municipal Kuruguaty (Kanindeyú), polideportivo Ka'aguasu (Ka'aguasu), péva Dirección Extensión Agraria (DEAG) Itá rovái (Central), plása Mbokajaty (Guairá), plása Santa Rosa (Misiones), cruce Horqueta (Concepción), Caronay Alto Vera (Itapúa) ha plaza O'Leary (Asunción).
Federación Nacional Campesina (FNC) ko arýpe ombosako'i marcha guasu ohekávo reivindicación. Ndaipórigui política de Estado hekoitépe ha yvy jeguereko campesinado oplantea ko'árype. “Campesinado omoheñói hi'upyrã familia ha tet0Òme guarã, oñemomba'eva'erã umi alimento rehe mba'apo. Ko modelo de producción ombopirapire heta mbovymíme ha ombyai tekoha, ysyry ky'a, yvyramáta jeiry, ndohejái riqueza tetãme”, he'i Teodolina Villalba, secretaria general organización-gua.